ԱՄՆ-ը բանակցություններ է վարում G7-ի իր գործընկերների հետ՝ Ուկրաինային օգնելու համար մինչև 50 միլիարդ դոլար հատկացնելու շուրջ, հայտնում է Bloomberg-ը՝ հղում անելով աղբյուրներին։
Ամերիկյան իշխանությունների պլանի համաձայն՝ միջոցների մեծ մասը կուղղվի ռուսական սառեցված ակտիվներից ստացված շահույթներից, որոնց հիմնական մասը գտնվում է ԵՄ երկրներում։ ԱՄՆ ֆինանսների նախարարությունը հաստատել է այս հարցի շուրջ բանակցությունների փաստը։
Ամերիկյան կողմը ցանկանում է համապատասխան համաձայնագիր ստորագրել հունիսին կայանալիք G7-ի գագաթնաժողովում։ Միևնույն ժամանակ, նշում են գործակալության զրուցակիցները, բանակցությունները կարող են տևել մի քանի ամիս։
