Սանկտ Պետերբուրգում ավտոբուսի գետն ընկնելու հետևանքով զոհերի թիվը հասել է 7-ի, հայտնում է Интерфакс-ը՝ ՌԴ Քննչական կոմիտեին հղումով։
«Սանկտ Պետերբուրգի ՌԴ Քննչական կոմիտեի գլխավոր քննչական վարչության տվյալներով՝ Մոյկա գետը ավտոբուսի ընկնելու հետևանքով զոհվածների թիվը հասել է 7-ի», – ասվում է գերատեսչության հաղորդագրության մեջ։
Ավելի վաղ ուրբաթ օրը հաղորդվել էր, որ մարդատար ավտոբուսը ճեղքել է Պոցելուևի կամրջի ցանկապատը և ընկել գետը։ ԱԻՆ-ից հայտնում են, որ զոհվել է երեք, վիրավորվել վեց մարդ, այդ թվում՝ չորսը կլինիկական մահվան վիճակում։
Վթարի առթիվ Քննչական կոմիտեն երկու քրեական գործ է հարուցել։
