Կիևը պատրաստ է համագործակցել Բուդապեշտի հետ Անդրկարպատիայում հունգարական ազգային փոքրամասնության իրավունքների շուրջ, հայտարարել է Ուկրաինայի արտաքին գործերի նախարար Անդրեյ Սիբիհան։
«Ուկրաինան պատրաստ է անհապաղ բացել նոր, փոխշահավետ գլուխ ուկրաինա-հունգարական հարաբերություններում։ Մենք պատրաստ ենք համագործակցել Հունգարիայի նոր կառավարության հետ մեր երկկողմ օրակարգի բոլոր հարցերի շուրջ, այդ թվում՝ ազգային փոքրամասնությունների հարցի շուրջ», — գրել է Սիբիհան իր Facebook-յան գրառման մեջ։
Նա հայտարարել է, որ համաձայնության է եկել Հունգարիայի նոր արտաքին գործերի նախարար Անիտա Օրբանի հետ այս շաբաթ փորձագիտական մակարդակով խորհրդակցություններ անցկացնելու՝ «Անդրկարպատիայում հունգարական փոքրամասնության համար գործնական և արդյունավետ լուծումներ գտնելու համար»։ Սիբիհան նաև բարձրացրել է Ուկրաինայի ԵՄ-ին անդամակցության հարցը։
Անդրկարպատիայում հունգարական ազգային փոքրամասնության իրավունքների վերականգնման շուրջ տարաձայնությունները վաղուց Ուկրաինայի և Հունգարիայի միջև հարաբերությունների վատթարացման հիմնական պատճառներից մեկն են եղել։
