ԱՄՆ-ի հետ խաղաղության պայմանագրի տեքստի վրա աշխատանքը հիմնական կետերով գրեթե ավարտված է, հայտնել է Իրանի ԱԳՆ ներկայացուցիչ Էսմայիլ Բաղային՝ PressTV-ին։
«Խնդիրն այն է, որ Միացյալ Նահանգների հակասական դիրքորոշումները միշտ տուրբուլենտություն և խափանումներ են առաջացրել այս գործընթացում»,- հավելել է նա։
Բաղային ընդգծել է, որ Իրանը բանակցությունների է մտել բարի կամքով և լիակատար պատասխանատվությամբ, սակայն ամերիկյան կողմի դիրքորոշումը բազմիցս փոխվել է, առաջ են քաշվել ոչ իրատեսական պահանջներ և իրականացվել են հարձակումներ։
