Վրաստանի Բաթումի քաղաքում շախմատիստները մրցանակային տեղեր են զբաղեցրել միջազգային մրցաշարում

Վրաստանի Բաթումի քաղաքում անցկացված «Batumi Municipality Cup 2026» շախմատի միջազգային մրցաշարում հայ շախմատիստները զբաղեցրել են մի շարք մրցանակային տեղեր, հաղորդում են Հայաստանի շախմատի ֆեդերացիայից։

Ա խմբում գրոսմայստեր Հովիկ Հայրապետյանը 9 հնարավորից վաստակել է 5.5 միավոր և զբաղեցրել 6-րդ հորիզոնականը:

Բ խմբում 8 միավորով հաղթող է ճանաչվել վարպետության թեկնածու Արտյոմ Մանուկյանը: Նույն խմբում Սարգիս Նիազյանը զբաղեցրել է 3-րդ, իսկ Հակոբ Հակոբյանը՝ 4-րդ հորիզոնականը:

Բ խմբում Աշոտ Այվազյանը զբաղեցրել է 1-ին հորիզոնականը՝ մինչև 14 տարեկան պատանիների պայքարում, իսկ Գոռ Դաբաղյանը՝ 2-րդ հորիզոնականը:

Բ խմբում Նելլի Ջալալյանը զբաղեցրել է 1-ին հորիզոնականը՝ մինչև 16 տարեկան աղջիկների պայքարում:

Բ խմբում Աշոտ Ավետիսյանը զբաղեցրել է 2-րդ հորիզոնականը՝ 65+ տարեկան վետերանների պայքարում, իսկ Ազատ Թավաքալյանը՝ 3-րդ հորիզոնականը 50+ տարեկան վետերանների պայքարում:

Գ խմբում 7.5 միավորով հաղթող է ճանաչվել Ռոբերտ Գրիգորյանը: Նույն խմբում Դավիթ Սուքիասյանը զբաղեցրել է 2-րդ, իսկ Հայկ Բաբայանը՝ 3-րդ հորիզոնականը:

Գ խմբում 9-ամյա Ռոբերտ Փաշիկյանը զբաղեցրել է 1-ին հորիզոնականը՝ մինչև 16 տարեկան պատանիների պայքարում, իսկ 11-ամյա Արեն Բաղդասարյանը՝ 1-ին հորիզոնականը՝ մինչև 14 տարեկան պատանիների պայքարում:

Գ խմբում Մերի Թադևոսյանը զբաղեցրել է 1-ին հորիզոնականը կանանց պայքարում, իսկ Ագնեսա Սարգսյանը՝  2-րդ հորիզոնականը:

Մինչև 12 տարեկան պատանիների մրցաշարում Մարատ Աթաբեկյանը զբաղեցրել է 3-րդ հորիզոնականը:

Մինչև 12 տարեկան աղջիկների մրցաշարում հաղթող է ճանաչվել Արիանա Չիլինգարյանը, իսկ Արիանա Ազիզբեկյանցը զբաղեցրել է 2-րդ հորիզոնականը:

Մինչև 10 տարեկան պատանիների մրցաշարում հաղթող է ճանաչվել Գևորգ Գեղամյանը: Նույն մրցաշարում Տիգրան Աղանիկյանը զբաղեցրել է 2-րդ, Ստեփան Սիմոնյանը՝ 3-րդ, իսկ Սամվել Պետրոսյանը՝ 5-րդ հորիզոնականը:

Մինչև 10 տարեկան աղջիկների մրցաշարում Եվա Ադամյանը զբաղեցրել է 2-րդ հորիզոնականը:

Մինչև 8 տարեկան պատանիների մրցաշարում հաղթող է ճանաչվել Դավիթ Միտինյանը, իսկ Արամ Բեգլարյանը զբաղեցրել է 2-րդ հորիզոնականը:

Մինչև 8 տարեկան աղջիկների մրցաշարում Սոնյա Մակարյանը զբաղեցրել է 3-րդ, Ստելլա Բարսեղյանը՝ 4-րդ, իսկ Նատալի Բաղդասարյանը՝ 5-րդ հորիզոնականը:

Կայծակնային շախմատի մրցաշարում միջազգային վարպետ Ալեքս Սահակյանը զբաղեցրել է 5-րդ հորիզոնականը: Մինչև 16 տարեկան պատանիների պայքարում վարպետության թեկնածու Վոլոդյա Թորոսյանը զբաղեցրել է 3-րդ հորիզոնականը, իսկ 9-ամյա Գևորգ Գեղամյանը զբաղեցրել է 3-րդ հորիզոնականը՝ մինչև 14 տարեկան պատանիների պայքարում։