Զոհված զինծառայողների դիերի հերթական փոխանակումն է տեղի ունեցել այսօր Ռուսաստանի և Ուկրաինայի միջև Բելառուսի սահմանամերձ շրջանում։ Այս մասին հայտնել է «ԲելՏԱ» գործակալությունը, հաղորդում է ՏԱՍՍ-ը:
Նրա տեղեկատվության համաձայն՝ փոխանակումը տեղի է ունեցել «Նովայա Գուտա» անցակետում։ Ռուսական կողմը ուկրաինական կողմին է փոխանցել 252 դի, Ուկրաինան Ռուսաստանին՝ 25։
Ինչպես նշում է գործակալությունը, Բելառուսի տարածքում անցկացվել է արդեն ավելի քան 70 հումանիտար և փոխանակման առաքելություն։
