Իսրայելը շարունակում է ակտիվ գործողությունները Լիբանանի հարավում գտնվող շիաների «Հեզբոլլահ» աշխարհազորայինների դեմ, հայտարարել է վարչապետ Բենիամին Նեթանյահուն։
Նա նշել է, որ նպատակն է ստեղծել ամուր բուֆերային գոտի՝ հյուսիսային Իսրայելի անվտանգությունն ապահովելու համար։
«Մենք ստեղծել ենք իրական անվտանգության բուֆեր, որը կանխում է Գալիլեա ցամաքային ներխուժումը հյուսիսային սահմանով։ Մենք ընդլայնում ենք այս անվտանգության բուֆերը՝ հակատանկային հրթիռների սպառնալիքը մեր բնակեցված տարածքներից ավելի հեռու մղելու համար։ Մենք պարզապես ստեղծում ենք ավելի լայն բուֆերային գոտի», – ասել է Նեթանյահուն, ըստ վարչապետի գրասենյակի։ Նա այս հայտարարությունն արել է հյուսիսային սահմանային շրջանների ղեկավարների հետ տեսակոնֆերանսի ժամանակ։ Լիբանանում ընթացող մարտերի վերաբերյալ Նեթանյահուն պնդել է, որ «Հեզբոլլահի» ռազմական թևը պատրաստվում է ներխուժել Իսրայելի տարածք, բայց բանակը կարողացել է վերացնել այդ սպառնալիքները։
