Եվրահանձնաժողովը դեռևս չի կարող նշել ԵՄ երկրների համար ռուսական նավթի ներմուծման արգելքի նախագծի հրապարակման հստակ ամսաթիվը, հայտարարել է Եվրահանձնաժողովի խոսնակ Աննա-Կայսա Իտկոնենը Բրյուսելում անցկացված ճեպազրույցում։
«Ես չունեմ հստակ ամսաթիվ ներկայացնելու համար։ Այնուամենայնիվ, կարող եմ վստահեցնել, որ մենք շարունակում ենք հավատարիմ մնալ այս առաջարկի ներկայացմանը։ Եվրահանձնաժողովի նախագահ Ուրսուլա ֆոն դեր Լայենը հստակ նշել է, որ ռուսական էներգակիրների ներմուծմանը վերադառնալը կնշանակի կրկնել անցյալի սխալը», — ասել է նա։
Սկզբում քննարկվում էր ապրիլի 15-ը, սակայն ներկայումս արգելքի դրույթը դուրս է մնացել Եվրահանձնաժողովի օրակարգից։ Իտկոնենը նշել է, որ օրակարգը «նախնական» է, և Եվրահանձնաժողովը «նոր ամսաթիվ է փնտրում»։
Ավելի վաղ ֆոն դեր Լայենը հայտարարել էր, որ Եվրահանձնաժողովը մտադիր չէ թույլ տալ ԵՄ երկրներին ներմուծել ռուսական էներգակիրներ նույնիսկ Եվրոպայում էներգետիկ խափանումների դեպքում, գրում է TASS-ը։
