Վատ եղանակի պատճառով չվերթի՝ 16 ժամ տևած ուշացման պատճառով ավելի քան 150 ռուսաստանցիներ մնացել են Երևանում։ Զբոսաշրջիկների սոված են պահում և ջուր չեն տալիս, գրում է SHOT թելեգրամյան ալիքը:
SHOT-ի տվյալներով՝ ռուսաստանցի զբոսաշրջիկներն անվերջ ուշացումներ են ունեցել Երևանից Մոսկվա «Ուրալյան ավիաուղիներ» ավիաընկերության ինքնաթիռի չվերթի ժամանակ։ Չվերթը նախատեսված էր ժամը 2:30-ին, սակայն օդի խիստ աղտոտվածության պատճառով հետաձգվել է մինչև ժամը 19:00-ն։
Ռուսաստանցիների բնորոշմամբ՝ աշխատակիցները յոթ ժամ շարունակ նունդ կամ ջուր չեն տրամադրել և իրենց հետ կապ չեն պահպանել։
Երկար սպասումից հետո ավիաընկերության աշխատակիցները վերջապես դուրս են եկել ամբոխի մոտ և խնդրել են նրանց լքել օդանավակայանը՝ զբոսաշրջիկների անկարգությունները կանխելու համար։
Ինչպես նշում է աղբյուրը, ռուսաստանցիներին ասել են, որ նրանց, ենթադրաբար, մոտակա հյուրանոցում «շքեղ սենյակներ» կտրամադրվեն։ Այժմ ուղևորները բողոքներ են ներկայացնում ավիաընկերության դեմ, անկարգություններ են առաջացնում օդանավակայանում և սպասում են իրենց չվերթներին։
