Փրկարար ծառայությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ:
Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները։
Վարդենյաց լեռնանցքը, Դիլիջանի ոլորանները, Դիլիջան-Վանաձոր, Գյումրի-Բավրա, Նոյեմբերյան-Ջուջևան-Ոսկեպար ոլորանները, Գյումրի-Վանաձոր, Բերդ-Թթուջուր, Ջերմուկ-Գնդեվազ ավտոճանապարհները և Սարավան-Զանգեր հատվածը փակ են կցորդով բեռնատարների համար։
Նիգավան գյուղից դեպի Սպիտակի ոլորանները և Վեդի-Լանջառ ավտոճանապարհը դժվարանցանելի են կցորդով բեռնատարների համար։
Վարորդներին հորդորում ենք երթևեկել բացառապես ձմեռային անվադողերով։
Լարսի մասին
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։
