Իրանը նախապատվությունը կտա այն նավերին, որոնք կվճարեն Հորմուզի նեղուցը հատելու համար, շաբաթ օրը CNN-ին տեղեկացրել է իրանցի բարձրաստիճան պաշտոնյան։
«Հաշվի առնելով այն նավերի թվի սահմանափակումը, որոնց թույլ կտրվի անցնել նեղուցով, Իրանը որոշել է առաջնահերթությունը տալ այն նավերին, որոնք ավելի արագ կարձագանքեն Հորմուզի նեղուցի վերաբերյալ նոր արձանագրություններին եւ կվճարեն անվտանգության եւ ապահովության վճարներ»,- ասել է պաշտոնյան։
Հեռուստաալիքի աղբյուրի խոսքով՝ չվճարող նավերի անցումը «կհետաձգվի»։
Շաբաթ օրը Իրանը նորից նավերի անցման սահմանափակումներ է մտցրել Հորմուզի նեղուցով՝ հղում կատարելով Միացյալ Նահանգների կողմից կնքված հրադադարի ռեժիմի նկատմամբ վստահության բազմակի խախտումներին։
Բարձրաստիճան պաշտոնյան այս միջոցը բնութագրել է որպես Իրանի ջանքերի մի մաս՝ կարգավորելու ծովային երթեւեկությունը «նեղուցը կարգավորող նոր կարգի համատեքստում»։
