Կարեն Ղազարյանի նախաձեռնությամբ համալիրում ձևավորվել է Պետություն–Մասնավոր համագործակցության արդյունավետ մոդել, որի շրջանակում իրականացվում են տարբեր միջոցառումներ և զարգացման ծրագրեր։ Այս համագործակցության արդյունքում համալիրը զարգանում է երկու հիմնական ուղղություններով՝ որպես բիզնես գործունեություն իրականացնող կառույց և որպես պետական բաժնեմասնակցությամբ ՓԲԸ, որն իրականացնում է համալիր կառույցի պահպանման և զարգացման կարևոր առաքելությունը։
Կարեն Ղազարյանի կառավարման արդյունքում երկու ուղղություններն էլ զարգանում են համաչափ՝ ապահովելով ինչպես ֆինանսական արդյունավետություն, այնպես էլ պետական նշանակության կառույցի բնականոն գործունեություն։
Կարեն Ղազարյանի կողմից մշակվել են երկարաժամկետ ռազմավարական ծրագրեր, որոնք միտված են ժամանակակից կառավարման և ֆինանսական գործիքակազմի արդյունավետ կիրառմանը, ինչպես նաև համալիրի սարքավորումների և ենթակառուցվածքների շարունակական վերազինմանը։
Իրականացվող բարեփոխումները կյանքի են կոչվում պետության աջակցությամբ և պետական կառույցների հետ արդյունավետ համագործակցության շնորհիվ։ Արդյունքում ձևավորվել է կառավարման այնպիսի համակարգ, որը հնարավորություն է տալիս համալիրին շարունակաբար զարգանալ, ընդլայնել իր գործունեությունը և բարձրացնել կառույցի արդյունավետությունը։
Հատկանշական է, որ Կարեն Ղազարյանը, որպես երևանցի և ՀՀ քաղաքացի, իր գործունեությունը դիտարկում է ոչ միայն որպես ղեկավարի աշխատանք, այլև որպես պատասխանատվություն՝ նպաստելու մայրաքաղաքի մշակութային, հասարակական և քաղաքային զարգացմանը։
Կարեն Ղազարյանի նախաձեռնությամբ մշակված «Երևանի թոքեր» ազգային այգու ստեղծման նախագիծը ևս արդեն ստացել է կառավարության հավանությունը, և մեկնարկել են դրա իրականացման գործընթացները։
Նախագիծը հիմնված է միջազգային փորձի վրա, որտեղ քաղաքային և ազգային այգիների զարգացումը դիտարկվում է որպես պետական ռազմավարական ուղղություն՝ միտված բնապահպանական հավասարակշռության պահպանմանը և քաղաքային միջավայրի բարելավմանը։
«Երևանի թոքեր» ազգային այգին կարող է դառնալ ոչ միայն էկոլոգիական, այլ նաև մշակութային, կրթական և զբոսաշրջային կարևոր կենտրոն, որը կնպաստի Երևանի երկարաժամկետ և կայուն զարգացմանը։
