ՌԴ ԱԳՆ-ն հանդես է եկել հայտարարությամբ, որով պահանջել է հետաքննել իսրայելական զինված ուժերի կողմից Լիբանանում երեք լրագրողների սպանությունը։
Ինչպես հայտնել են ՌԴ ԱԳՆ-ում, իսրայելական ՌՕՈւ հրթիռային հարվածը Ջեզին շրջանում (Լիբանանի հարավ), որը խլել է «Ալ-Մայադին» եւ «Ալ-Մանար» հեռուստաալիքների երեք թղթակիցների՝ Ֆաթիմա Ֆթունիի, Մուհամադ Ֆթունիի, Ալի Շուայբի կյանքը, եղել է թիրախավորված։
«Բնութագրական է, որ թիրախավորվել է սովորական քաղաքացիական ավտոմեքենան, որտեղ գտնվում էին լրատվամիջոցների աշխատակիցները, որը մեկնում էր խմբագրական առաջադրանքի կատարման վայր։ Բոլորի վրա հստակ երեւում էր «պրեսսա» գրությունը, ինչն, այնուամենայնիվ, չպաշտպանեց նրանց գերճշգրիտ սպառազինության գրոհից։ Մեքենան այրվել է մինչեւ վերջ՝ լրագրողների համար եղբայրական գերեզման դառնալով»,- ընդգծել են գերատեսչությունում։
Իսրայելի պաշտպանության բանակում հայտնել են, որ ռեակտիվ արկով խոցված ուղեւորների մեջ եղել են ահաբեկիչներ, որոնք իբր ձեւացել են, թե լրատվամիջոցների աշխատակիցներ են։ Ասես այս հայտարարությամբ այնտեղ իրենցից հանում են դրա պատասխանատվությունը, համաձայն միջազգային մարդասիրական իրավունքի՝ ծանր հանցագործություն, ընդգծել են ՌԴ ԱԳՆ-ում։
«Որ իսրայելցի զինվորականներն առանց տատանվելու կարող են նման հարձակումներ գործել քաղաքացիական անձանց դեմ, որոնց, ըստ միջազգային-իրավական նորմերի, պատկանում են նաեւ լրատվամիջոցների աշխատակիցները, մենք համոզվեցինք տառացիորեն տասն օր առաջ, երբ նման հանգամանքներում քիչ էր մնացել, որ զոհվեր RT-ի հեռուստատեսային խումբը։
Բանն այստեղ անգամ այն չէ, թե ինչպես կարձագանքեն այդպիսի հարձակմանը պրոֆիլային միջազգային կառույցները, եւ արդյո՞ք առհասարակ կարձագանքեն։ Նրանց մասնագիտական կուրությունն արդեն վաղուց ոչ մեկին չի զարմացնում։
Հարցն այն է, թե որքանով է միջազգային հանրությունն ընդհանրապես պատրաստ ընդունել գործողությունների նման տրամաբանությունը. լրագրողին ահաբեկիչ ես անվանում եւ սպանության արտոնություն ստանում։ Այդպե՞ս է։ Մենք նման հարցադրմանը երբեք չենք համաձայնի։ Եվ ինչպես բոլոր մնացած նման ողբերգությունների դեպքում՝ կպնդենք, որ հետաքննվի այդ սպանությունը, բոլոր մեղավորները պատասխանատվության ենթարկվեն եւ դադարեցվի այդ արյունալի գործելակերպն ընդմիշտ»,- նշել են Ռուսաստանի արտաքին քաղաքական գերատեսչությունում։
