Գյուղատնտեսական ապահովագրության ծրագիրը 2026-ի փետրվարի 15-ից վերսկսվել է՝ կառավարությունը կսուբսիդավորի: Ծրագիրը երկու տարի դադարել էր, քանի որ ապահովագրական ընկերությունների համար գյուղ-ոլորտը ռիսկային է: Եթե նախկինում փոխհատուցվում էին նաև գյուղացու եկամուտները, այժմ միայն ծախսերը կհատուցվեն: Միաժամանակ, ընկերությունները ընդառաջ են գնացել վճարման ժամկետների հարցում ՝ գյուղացին վճարումը կկատարի տարաժամկետ:
Պետությունը սուբսիդավորում է ոչ միայն գյուղացու ծախսը, այլև ապահովագրողի հատուցման սահմանաչափը: Իսպանական փորձն է կառավարությունն ուսումնասիրել, տեղեկացրել է էկոնոմիկայի նախարարը, նշել՝ խրախուսող մեխանիզմներ են կիրառում մի կողմից՝ մասնավորին, մյուս կողմից՝ գյուղացուն սուբսիդավորում տրամադրելու եղանակով:
Ծրագրին մասնակցելու ցանկություն է հայտնել ապահովագրական 6 ընկերություն: Իսկ գյուղացիներն արդեն ակտիվ պայմանագրեր են կնքում տարբեր մարզերում:
