Վիտամինների նույնիսկ փոքր պակասը կարող է նպաստել Ալցհեյմերի հիվանդության զարգացմանը։ Այս մասին հայտնում է KP.RU-ը՝ հղում անելով նյարդաբան Մարիա Չերդակի հայտարարությանը։
Մասնագետի խոսքով՝ կարևոր դեր ունեն հատկապես B12, D վիտամինները և ֆոլաթթուն։ Նա նշել է, որ, օրինակ, B12 վիտամինը մասնակցում է նյարդաթելերի վերականգնմանը, և դրա պակասի դեպքում կարող են վնասվել ինչպես ծայրամասային նյարդերը, այնպես էլ ողնուղեղն ու ուղեղը։
Բացի այդ, նյարդաբանը ընդգծել է, որ օրգանիզմի բնականոն աշխատանքի համար կարևոր է նաև երկաթը, իսկ դրա և B12 վիտամինի լավ աղբյուր է միսը։ Վիտամինների պակասը լրացնելու համար մասնագետը խորհուրդ է տվել առաջնորդվել արյան անալիզների արդյունքներով։
